About the teacher

   Despois de anos namorada do baile como forma de comunicación co mundo, cheguei á Facultade de Ciencias da Educación para atopar outro novo amor.


   Na diplomaruta de Maxisterio, aínda que a titulación marque especialidade en Educación Física, aprendo a importancia da formación integral das persoas, do currículo integrado, da inclusión nas aulas,... algo tan complexo que me pide saber máis, polo que decido licenciarme en Psicopedagoxía, onde profundizo no funcionamento da cabeza humana cara a aprendizaxe, os factores que fan posible que o proceso de ensino-aprendizaxe teña os seu froitos,...

    Despois de facer inmersión lingüística en cidades como LondonDerry (Irlanda do Norte), Toronto (Canada) e Bristol (Inglaterra), decido presentarme aos exames de acceso ao corpo de mestres pola especialidade de Inglés, con resultado de poder entrar nas aulas como substituta. Aquí empezo a poñer en práctica o aprendido, dándome conta de que a maior aprendizaxe estaba por vir.

   Cada día, cada aula, cada nen@, cada compañeir@, cada proxecto, cada actividade é unha oportunidade para analizar e mellorar nesta difícil labor.

   "Pouco a pouco e sempre andando" reflexa a evolución da miña carreira profesional no ámbito docente, polo dagora con máis erros que acertos, pero como xa sabedes: sen erros non se produce a aprendizaxe.

Moitas grazas pola visita.


Ningún comentario:

Publicar un comentario

Toda aportación é boa...
All your comments are welcome...